Fabrizio Romano tregon 2 klubet e vetme që kanë mbetur në garë për shërbimet e Erling Haaland

0 Comments

Eksperti i transferimeve, Fabrizio Romano ka zbuluar se Real Madrid është i gatshëm të paguajë vlerën që e kërkon Borussia Dortmund për shërbimet e qendërsulmuesit, Erling Haaland.

 

Norvegjezi pritet të largohet në verën e ardhshme, ndërkohë raportohet se Real Madrid dhe Man City janë favoritët për të nënshkruar me të.

 

“Los Blancos” do paguajnë çdo vlerë që e kërkon klubi gjerman.

 

“Nuk ka kuptim për ndonjë takim mes klubeve sepse Real Madrid është i gatshëm të paguajë sa Dortmund do kërkojë për Haaland dhe absolutisht e duan lojtarin. Tani, varet vetëm nga lojtari të vendos”.

 

“Jemi duke u afruar për vendimin e Haaland. Është çështje javësh. Haaland ende nuk ka vendosur se ku do luajë. Real Madrid është i përgatitur. Man City ka ofertën më të mirë financiare, por oferta e Realit nuk është shumë larg ofertës së Cityt”.

 

“Haaland nuk i intereson paratë ose klubi që do shkojë, i intereson vetëm projekti, trajneri, se çfarë klubi do t’i ofrojë nga ana sportive”, deklaroi ai.

 

Ndërkohë, Barcelona thuhet se nuk është më në garë shkaku i gjendjes financiare.